PADMA AWARDS DAWNG THEI TUR ZAWNNA


Serchhip, 1st June, 2016 : Ministry of Home Affairs, Government of India chuan kum tin Republic Day apiangin India khua leh tui, Art, Literature, Education, Sports, Medicine, Social Work, Science and Engineering, Public Affairs, Civil Service, Trade and Industry leh adangtea chhuanawm thama hna thawktute hnenah Padma Awards hrang hrang heng: Padma Vibhusan, Padma Bhusan leh Padma Shri te a hlan thin a. Kum 2017 Republic Day ah pawh he lawman hi a phute hnenah hlan leh tum a ni.

Sawrkar laipui chuan, khua leh tuite zingah thiamna leh theihna ril tak tak nei, he lawman dawng tura rawt la ni silo tam tak kan ramah an awm tih a hria a, chuvang chuan Padma Awards 2017 dawng tura dilna/rawtna (Nomination/Recommendation) hun 1st May, 2016 atanga 15th September, 2016 thleng a hawng mek a ni.

Lawmman dawng tlak nia hriatte rawtna hi online hmanga tih vek tawh tur a ni thunga, www.padmaawards.gov.in atangin fill-up tur a ni ang.

Serchhip District chhunga Padma Awards dawng tlaka hriat khua leh tuite chuan hun tiam chhunga dilna/rawtna ngaihven turin kan inngen a. Hriatchian duh neite chuan SDO (Sadar) leh DIPRO Serchhip hnenah zawhfiah theih reng a ni ang.

Source: DIPR, Serchhip