SERCHHIP DISTRICT A HMAN TUR EVM COMMISSIONED A NI


Serchhip, 1st April, 2014: Vawiin chawhma dar 10:00 khan Serchhip DC Conference hall-ah District Election Officer, Assistant Returning Officer ni bawk Dr. Franklin Laltinkhuma, IAS kaihhruaina hnuaiah Serchhip District huam chhunga MP Inthlanna leh Hrangturzo Bial bye-election a hman tur Electronic Voting Machine Commissioning (hman theih tura buatsaih) neih a ni a, he hunah hian political party hrang hrang aiawh te leh EVM siam tu company Bharat Electronics Ltd. (BEL) Engineer te bakah election official pawimawh te an tel a ni.

Vawiin a EVM commissioned hi a vaiin 125 a ni a, heng zinga 31 (25 + 6 reserved) hi Hrangturzo Bial bye-election a hman tur a ni a, a dang zawng (Serchhip 23 + 5 reserved, Hrangturzo 25 + 5 reserved, Tuikum 29 + 7 reserved) hi MP tlanna a hman tur an ni.

Source: DIPR, Serchhip