CHHINGCHHIP-AH LEGAL METROLOGY DEPARTMENT TEN GAS BUK TLING LO AN MAN


Serchhip, 1st April, 2014: Nimin tlai khan Legal Metrology Department, Serchhip-a thawktute chuan SK Indane Gramin Vitrak (Gas Agent) Chhingchhip-a dah tur eirawngbawlna Gas bur Truck MZ-02 / 6119 phurh chu Godown a an hlan thlak hma in an endik a, Gas bur zawng zawng 306 zingah buk tling lo bur 59 an hmu chhuak a, a phurtu Driver Abdul Sukkur, S/o Abdul Samad, Hailakandi chu a bur tihchingpen man zawng zawng bakah tangka chawi belhtir a ni a, thil awm dan an chhui chiang zui mek a ni.

Pu Vanlalrema Hnamte, Serchhip District Legal Metrology Inspector chuan Gas agent te chu gas a lo thlen veleh dan anga an hnena report zel tura an hriattir thu sawiin hei hi agent te pawhin an ngai pawimawh a, an thawh hona pawh a tha a ni a ti a; mipui ten an chanai dik tak an hmuh ngei theih nan theihtawp an chhuah thin thu sawiin, Gas bur te hi Kg 2-3 velin an tling lo tlangpui thin tih a sawi bawk.

Pu Marema chuan heng driver dan bawhchhetute hi a na thei ang bera hrem duh thin mahse mipui te n an tawrh let theih dan a la awm rih avangin vawi leh khatah na takin an che burh ngam bik rih lo a ni a ti a. Heng eirawngbawlna Gas phurtute hi an check-in driver dan bawhchhia an man tawh man nawn an la neih miah loh thu sawiin vawikhat man tawk tawh te chuan an tinawn ngam lo ni a a hriat thu a sawi bawk.

Source: DIPR, Serchhip