SERCHHIP DC-in SERCHHIP MJA A NGEN

Serchhip - 2nd February 2012: Serchhip DC, P.Lalchhuanga chuan nimin khan Serchhipah thuthar thehdarhtute kawmin, February 23-a VC thlan turah Serchhip district-ah Mizoram Peolple Forum (MPF) hman tangkai an tum thu leh, MJA lamin common platform siam se tha a tih thu a sawi.

Serchhip DC chuan VC inthlanna polling station -ah common counter siam turin MPF an ngen thu sawiin, chu chu ring a, a hranpaa counter siam lo turin political party hrang hrangte an ngen dawn thu a sawi a; Serchhip Sub-Hqrs. YMA-in house to house campaign ti lo tura party tin an ngen avangin, MJA lamin common platform siam thei se tha a tih thu a sawi bawk.

Serchhip districtah hian VC 44 awmin, seat 192 a awm a;VC thlanna hmunah hun dang zawng aiin MLTP Act khauh lehzual a kenkawh an tum a ni. V/C pakhat tan inthlan sensoah hian Rs. 30,000 zel Election Commission atangin hmuh beisei a ni a, Serchhip district-ah V/C 44 tan Rs. 13,20,000 vel hmuh beisei a nih thu Bawrhsap chuan a sawi.

Serchhip DC ho hian nimin vek khan Serchhip District Level Standing Committee on Election chu an thukhawm a; Model Code of Conduct khauh taka kenkawh a nih theih nan Monitoring Team an din a ni.