CPGRAMS ZIRHONA NEIH A NI

Serchhip - 30th January 2012: Serchhip DC Conference Hall-ah langtlang sorkar a awm theih nana sorkar hmalakna pakhat, Public Grievance Redressal System hnuaia hmanrua, Centralised Public Grievance Redressal and Monitoring System ( CPGRAMS ) chungchang zirhona buatsaih a ni a, Serchhip DC, P. Lalchhuanga'n a telpui. Training-ah huan sorkar hnathawkte an tel a; Serchhip District Informatics Officer, Lalruatmawia Zadeng-in CPGRAMS chungchang hi zirtirna neiin a kalphungte a sawifiah a, zawhna awmte a hrilhfiah nghal bawk. CPGRAMS hi internet kaltlanga mipuite'n sorkar laka lungawi lohna an thlenna leh an hriat duh an zawh theihna tura duan a ni a; computer thiam lo tan pawh sorkar office-ah kalin, thawnsak turin an ngen theih dawn a ni.